Fann sólina og ......indíána :)

Skemmtileg sú tilviljun að hitta indíána á ferð minni um Spán,n.t.t.í Altea, eftir að hafa helgað þeim viku á blogginu mínu:) Ég varð verulega glöð, ekki verður annað sagt. Þarna fluttu þeir tónlistina sína og seldu vörur frá sínu heimalandi sem er Ecuador. Fallegt fólk og dásamleg tónlist sem nú hljómar í mínum híbýlum.

Vikan sem við dvöldum á Spáni var MJÖG skemmtileg og alveg með ólíkindum hvað við náðum að nýta tímann vel. Eftir að hafa verið í Altea ókum við upp í fjöllin og heimsóttum þorp sem heitir Guadalest, einkar rómantískt og margt að skoða. það geymir mikla og langa sögu, toppurinn hefði verið að gista en það verður bara næst :) Kvöldið var nefnilega frátekið á Benidorm Palace, glæsilega sýningu sem heillaði mig gjörsamlega upp úr skónum. Þarna bar að líta glæsilega dansa og alla fallegu senjórítukjólana, ekki leiðinlegt:) 

 Veðurspáin fyrir þessa viku okkar var nú búin að lofa rigningu en þegar upp var staðið var það einungis einn dagur sem rigndi :)mikið lán, ekki annað hægt að segja, geta farið á ströndina og synt í sjónum ummmm, dásamlegt. Fengum aldeilis ljómandi hótel þar sem stjanað var við okkur. Dönsuðum upp að hnjám hvert kvöld, vel nýttur tími.

Hótelið okkar var staðsett í miðbænum og þar eru eintómar einstefnugötur og ekki laust við að erfitt sé að komast á réttu staðina þegar maður er ókunnugur .) við fengum að kenna á því kvöldið sem við komum, gátum bara ekki fundið áfangastaðinn og að endingu hittum við mann sem var að pússa bílinn sinn, við gátum gert honum skiljanlegt að við værum villtar, hann talaði einungis spænsku svo við notuðum allskyns tákn, sem hrifu. Þessi öðlingur bauðst bara til að aka á undan okur og að endingu eftir mikla króka og keyrslu lentum við loks á rétta staðnum, þeim innfædda gekk nefnilega ekkert verulega vel að finna blessað hótelið .) en allt er gott sem endar vel og á hann miklar þakkir skilið. Það tók svo það sama við þegar við komum frá Guadalest, rúman klukkutími, takk, tók að sniglast um og finna réttu leiðina að hótelinu, allt þessum fjandans einstefnu götum að kenna, en svo var hlegið að þessu á eftir og við sáttar við að missa ekki þolinmæðina, því við vissum hvar  hótelið var en komumst bara ekki að því, meiri vitleysan :)

Þær voru skemmtilegar andstæðurnar þann 27. heimferðardaginn. Sólin skein og við gengum berum fótum á ströndinni, þegar svo stigið var út úr vélinni 10 tímum síðar kyssti kuldaboli okkur og bauð okkur velkomnar á landið ísakalda. Bíllinn var svo mokaður upp, loks þegar hann fannst. 

Eins og ég elska sólina mikið og finnst dásamlegt að geta verið léttklædd þá fannst mér gott að koma í svalann og finna tært loftið. Svona eru andstæðurnar miklar í manni :)

Athugasemdir

[Magga T 5.3.2008 kl. 18:51]

Blessuð!  Var að skoða myndirnar frá Spáni og ég get svarið fyrir að ég fékk hnút í magann, rosalega hefur þetta verið ÆÐISLEGT.                                                    Kveðja frá ríki Margrétar drottningar  MT

[Hulla Dan, 5.3.2008 kl. 20:38]

Velkomin heim frænka.
Mikið hefði ég viljað vera í sólinni á Spáni 

Ég elska ekki svalan heima... en ég finn það alltaf þegar ég kem þangað, að það er gott að anda þar. Öðruvísi. Og bara svo gott.

Hafðu það nú gott...