Undað Hné.

"Það var engin von á jörðinni og Guð virtist hafa yfirgefið okkur. Sumir sögðust hafa séð Guðssoninn, aðrir sáu Hann ekki.Ef Hann hefði komið hefði Hann gert mikla hluti eins og Hann gerði fyrrum. Við efuðumst því við höfðum hvorki séð Hann né verk Hans"

"Fólkið vissi ekki. Því var sama. Það hrifsaði vonina. Það hrópaði eins og vitfirringar á miskunn Hans.Það greip dauðahaldi í loforðið sem það hafði heyrt eftir Honum"

"Hvítu mennirnir voru hræddir og kölluðu á hermenn. Við höfðum grátbænt um líf og hvítu mennirnir héldu að við sæktumst eftir lífi þeirra. Við fréttum að hermennirnir væru að koma. Við óttuðumst ekki. Við vonuðum að við gætum sagt þeim frá erfiðleikum okkar og þegið hjálp þeirra. Hvítur maður sagði að hermennirnir ætluðu að drepa okkur. Við trúðum því ekki, en sumir óttuðust og flúðu til Válandanna"

RAUÐA SKÝ

Athugasemdir

[jensen 18.2.2008 kl. 22:51]

Kemur Gettysburg þarna við sögu eða er ég að lesa eitthvað rangt í þettað.?

[Ásta Steingerður Geirsdóttir, 19.2.2008 kl. 18:08]

Ekki kannast ég við nafnið, það er ekki að finna í bókinni þeirri arna sem ég er að vitna í "Heygðu mitt hjarta við Undað Hné" Það greip mig einhver löngun að henda hér inn tilvitnunum í þessa hörmungarsögu, tilvitnunum frá einstaklingum sem tilheyrðu þjóð sem var útrýmt. Ég er nú að lesa þessa bók í þriðja sinn og margt er nú því miður, sem þar var við lýði enn að gerast í þessum svokallaða menningarheimi okkar.