" Í skjóli yfirlýstrar þjóðernisstefnu má breiða yfir aragrúa synda"

"Ég lifi í von þótt rangindi hafi verið framin gegn mér. Mér voru ekki fengin tvö hjörtu.......Enn einu sinni erum við saman komin til að semja frið. Blygðun mín er jafnstór og jörðin og samt mun ég reyna að fylgja ráðum vina minna. Ég hélt einu sinni að ég einn stæði fast á að halda vináttu hvíta mannsins. Síðan þá hafa þeir komið og tæmt híbýli okkar, bæði af hestum og öllu  öðru"

"Nú á ég erfitt með að trúa hvítum mönnum framar "

MOTAVATO (Svarti Ketill) af syðri ættbálki Sjeyenna

   

"Siðprýði þeirra er lofsverð"

"Hvar eru Pekótanir nú ? Hvað er orðið um Narragansettana, Móhíkanana, Pokanóketana og fjölda annarra ættbálka þjóðar vorrar ? Líkt og snjór í sumarsól hafa þeir horfið fyrir ágirnd og kúgun hvíta mannsins"

"Eigum við að bíða þess að röðin komi að okkur án þess að veita viðnám; bíða þess að verða að yfirgefa heimili okkar, landið sem Andinn mikli ánafnaði okkur, grafir hinna látnu og allt það sem er okkur kært og heilagt? Ég veit að þið munuð hrópa með mér: Aldrei! Aldrei!  "

Sjoníahöfðinginn TECUMESH 

 

Hin mikla speki Indíána mun prýða síðuna mína á næstunni. Það má margt af henni læra. 

Fóður fyrir Spaugstofuna :)

Ekki var hann trúverðugur oddviti sjálfstæðismanna  í dag þegar hann tók á móti fjölmiðlafólki í sinni einu sönnu "Valhöll". Þarna sat hann karlskinnið eins og Palli einn í heiminum meðan félagar hans laumuðu sér niður í kjallara með lafandi skottið, til að komast hjá því að svara fréttamönnum. Það er með fádæmum hvað hægt er að leggja sig lágt og gera sig að miklum kjánum. Það er líka með fádæmum að enginn í þessum fríða hópi skuli hafa þá siðferðiskennd til að bera að segja stopp, hingað og ekki lengra. Ég skal aldrei trúa því, hvað sem hver segir að eining sé í þessum hóp, sú eining sem þau guma svo af er einungis á yfirborðinu, það held ég flestum sé nokkuð ljóst. Það var barasta aumkunarvert að horfa á karlangann hann Villa í dag,reyna að klóra yfir eigin gjörðir með sömu tuggunni aftur og aftur, engu bitastæðu, engu sem nokkur heilvita maður lætur sér til hugar koma að kaupa. Hann ætti að sjá sóma sinn í því að "axla ábyrgð" í þeim skilningi sem heilbrigð skynsemi manna segir og það er að sýna eigið frumkvæði og segja sig frá sinni stöðu. Ég er mjög slegin yfir því hversu djúpt íhaldið er sokkið í sinni siðblindu. Slæmt taldi ég það vera en "fyrr má nú rota en dauðrota"

Borgarstjórinn blessaður mætir svo í Kastljósi og tuggast sífellt á "að láta verkin tala" halelúja :)

það er bara beðið eftir logni svo það sé hægt, að hans mati. Hver skóp allan þann vind og öldurót sem á undan er gengið, ég held hann ætti að hugsa um það blessaður.

Spaugstofa hefur haft úr nægu að moða undanfarnar vikur og ekki að sjá að lát sé á, þökk sé meirihlutanum í borgarstjórn sem nú situr.

Framagjarn hópur  sem vantar alla framsýni og hugrekki, því það er ekkert annað en heigulsháttur að leggjast með á þær árar sem róið er með nú. Það er hægt að ganga of langt til að þóknast "flokknum" það getur aldrei kallast víðsýnn maður sem lætur flokksaga stjórna gerðum sínum, sá maður hlýtur að eiga erfitt með að vera sjálfum sér samkvæmur.

Þó þetta sé vissulega afar sorglegt hlakka ég nú samt til að sjá hvernig spaugararnir okkar taka á þessu n.k.laugardag. 

"Lýðræðisleg handvömm"

Það vakti mér hlátur þegar ég las frétt í dagblaði í morgun. Það var "óvart" skipaður formaður í barnaverndarnefnd frábært, góð byrjun. Var þetta uppistand sjálfstæðismanna á dögunum bara ekki allt "óvart" eða þau eru ekki á réttri hillu, ættu fremur heima á sviði leikhúsanna. Þetta er nú meiri bölvaða vitleysan alltsaman. Þessi "óvart" skipaði formaður hefur væntanlega verið skipaður "lýðræðislega", ekki er við öðru að búast hjá fólki sem er eins "lýðræðislega" sinnað og raun ber vitni.

Þau kalla mótmælin í ráðhúsinu "tilræði við lýðræðið" í landinu. Það er von mín að þessi mótmæli gefi byr til frekari mótmæla þegar álíka hlutir gerast, að við látum af þeirri þrælslund sem við höfum verið haldin. Það verður að segjast að virkni í mótmælum hafa ekki verið næg og við látið yfir okkur ganga ýmislegt sem miður er. Það væri að bera í bakkafullan lækinn að telja upp allan þann óskunda sem liðist hefur.

 

 Það er bara ekki nóg að "fronturinn" sé fagur, hvorki í borgarmálum né öðru, ef innviðirnir eru fúnir og morknir. Hún stendur ekki lengi fögur króna blómsins ef ræturnar fúna, það vita allir.

Loksins...loksins :)......tími til kominn.

Það kom að því að fólk lét í sér heyra í Ráðhúsi Rvíkur. í dag. Okkur er einfaldlega misboðið og það er vel að fólk skuli láta í sér heyra, það hefur of lengi verið þannig að  við látum yfir okkur ganga og fámennur hópur æðir áfram í villu og svima með græðgi í svip og peninga glýju í augum. Við eigum bara ekki að sætta okkur við svoleiðis framferði. Þetta sama fólk flaggar orðinu "lýðræði" í tíma og ótíma en fetar svo hinn breiða veg þar sem þeirra eigin lögmál ríkja og ekkert annað kemst að.

Þeir voru ekki öfundsverðir sem tóku við í dag, að fá á sig allt það púu sem raun bar vitni. Það hlýtur að vera sterk sú sjálfsmynd  sem það ekki hefur áhrif á. Siðleysi, spilling og eiginhagsmunapot mun framferði þeirra heita á mannamáli, þó þau kalli þetta lýðræðislegt. Ef þetta er lýðræði þá bið ég alla góða vætti að varðveita íslensku þjóðina. Það getur ekki verið að hinn almenni borgari vilji að vinnubrögð sem þessi verði leiðandi í samfélaginu.

Ég vona að þetta verði til að vekja okkur upp af værum blundi, að réttlætiskennd okkar verði virkari og við látum ekki fámenna hópa ráðskast með okkar mál. Þetta eru mál sem okkur öll varðar og við EIGUM að hafa skoðun og ekki bara hafa skoðun, heldur að láta hana í ljós. Það er "lýðræðislegt" að fá að tjá sína skoðun og mótmæla þegar okkur er ofboðið.

 Ég ætla mér ekki að óska þeim velfarnaðar, það væri hræsni. Ég segi bara eins og svo margir hafa sagt síðustu daga "borgarbúar eiga betra skilið" 

Ég er verulega glöð í hjarta mínu yfir því hversu margir komu að mótmæla í dag 

Borgarbúar hafðir að fíflum.

Hvað er eiginlega á seiði  hér í borginni. Eru menn ekki með öllu mjalla? Það virðast ekki vera nein mörk á valdagræðgi þeirra sem sitja í þessari svokölluðu borgarstjórn. Það er ekki að undra þó fátt komist í framkvæmd meðan fulltrúar borgarbúa eru á slíku fylleríi. Það er ekki annað hægt að kalla það, því þetta lýsir þvílíku ábyrgðaleysi. Dagur og co hentust inn í haust með miklum látum og ætluðu heldur betur að breyta og bæta, án stefnuskrár, allavega hefur hún farið fram hjá mér hafi hún einhver verið. Þremur mánuðum síðar er Villi komin á kreik að nýju og búin að góma einn frjálslyndan sem stenst ekki boð um stól BORGARSTJÓRA.

Er það orðið lögmál á Íslandi að spilling og sukk sé bara gott og gilt. Hvað á maður að halda þegar setið er við skjáinn og hlustað á orðræður þessa manna. Það verður að segjast að ekki eru þeir trúverðugir, nei, ó nei. Þeir vaða villur og eiga vonandi eftir að reka sig illa á, sem er þeim mátulegt fyrir það virðingarleysi sem þeir sýna borgarbúum.

Það "að ganga óbundin til kosninga" eins og tíðkast hjá okkur hér á Íslandi er kannski eitthvað sem ekki er að ganga upp. Það er merkilegt hvað  virðist vera hægt að flakka og flandra á milli eins og sýnir sig t.d. hjá þeim "frjálslyndu" það er ekki alltaf gott að að átta sig á hvar þeir eru frá degi til dags.

Það er verulega sorglegt að horfa upp á þennan óskunda sem ekki skilar neinu nema skertri virðingu á þessu fólki.

Villi komin með geislabaug þar sem hann hefur svo góða bakhjarla, eins og allir vita :) meira fjandands bullið............en verð þeim að góðu.

Hlið Krísuvíkurkirkju fallið :(

Leitt var að sjá hlið Krísuvíkurkirkju fallið fyrir hörðum blæstri "Kára" þegar ég kom þar með fólkinu mínu á nýjársdag. Veðrið var "ekta" kalt, blástur og örlítill skafrenningur sem þyrlaðist upp og gaf svona smá "byl stemningu" Litli Hálendingurinn  minn var ekki hrifinn og lét í sér heyra, var ekki alveg að meta islenzku veðráttuna. Það var SVO notalegt að koma í kirkjuna, á móti okkur barst ilmur af kertum,þeir sem á undan voru höfðu tendrað ljós og við gerðum slíkt hið sama.Það ríkti kyrrð og friður í þessari litlu sveitakirkju  þennan fyrsta dag ársins og margir sem sóttu hana heim. Við sóttum einnig heim gamla Þórkötlustaðahverfið, þar var kyrrð að vanda þó sjórinn væri úfinn og háar öldur byltu sér úti fyrir. Það var gaman að fá svona dag að sýna Skotanum, tengdasyni mínum, eitthvað sem er "öðruvísi" en á að venjast, það heillar gjarnan.

Hálendingarnir í kirkju Krísuvíkur, sá litli með hana"finnsku" á höfði, húfuna góðu sem finnskir farandverkamenn í Sandgerði gáfu mér 1990 þar sem þeir héldu að eyrum mín stóru myndu frjósa hún kom sér líka vel og hefur veitt mörgum eyrum skjól síðan. 

 

 

 

 

 

 

 Það var svo sannarlega jólalegt í litlu kirkjunni þegar búið var að kveikja á kertum.

 

 

 

 

 

 

Það er gaman að sjá muninn, ótrúlegt hvað birtan gerir. 

Bandaríkjamenn til trafala eina ferðina enn :(

Það er merkileg linkind ráðamann þessa heims varðandi Bandríkin og hinn siðblinda forseta þeirra. Það kemur bezt í ljós að nýlokinni Balíráðstefnu um loftlagsmál. Það hefði vissulega átt að setja inn töluleg markmið NÚNA, ekki veitir af þar sem við erum komin mun nærri bjargbrúninni en haldið var. Bandaríkjamenn og þeirra fylgifiskar tóku það ekki í mál og vissulega stóðu þeir uppi með pálmann. Þó hafísinn bráðni með ógnarhraða og það dýralíf sem þar er sé í hættu og bara deyji, að vatnasvæði séu að þorna upp og miljónir manna líði, þá virðist þeim bara vera skítsama. Þeir eru nefnilega alltaf að passa upp á efnahagslífið. Ef farið er að draga úr losum groðurhúsalofttegunda þá skaðar það efnahagslífið þeirra. Meiri bölvaða hugsunin, ekki hægt að segja annað. Hver á svo að njóta "efnahagslífsins" þegar til lengri tíma er litið, ef haldið er áfram á þessari braut þeirra, huh.

  Við höfum aðgang og búseturétt á þessari jörð og því miður höfum við ekki gengið um hana af þeirri virðingu sem henni ber. Það væri ekki glæsilegt ef mannskepnan gengi um hýbýli sín eins og hún gengur um umhverfið.Það er sorglegt að árið  2007 skuli ekki vera meiri vitundarvakning en raun ber vitni og þá er ég að tala um hinn almenna borgara. Við getum sannarleg litið í eigin barm, það er góð regla að byrja í eigin garði í stað þess að benda á sóðaskap annarra. Umhverfismál eru að mínu viti það sem okkur öllum kemur við og er allra hagur. Við eigum flestöll börn og barnabörn sem eiga að búa hér áfram og við höfum engan rétt til að ganga um eins og við gerum. Við eigum að sjá sóm okkar í því að skila umhverfinu í, ekki verra ástandi en við tókum við því.

Það er gott að búa á Íslandi, hér er nóg af vatni, enn sem komið er, góð húsakynni osfv. en þetta er nú eitthvað sem allir vita.

Það eru ekki allir svo lánsamir að hafa aðgang að vatni og eflaust fáir sem bruðla eins með vatn og við Íslendingar. Það eru tug milljónir manna sem ekki hafa aðgang að þessum dásamlega drykk sem okkur þykir svo sjálfsagður og alltaf versnar ástandið. Þegar vatn er af skornum skammti spilar það inn á svo gríðarlega margt, má þar nefna uppskeru eins og kom fram í frétt frá Bali, þar er loftlagsbreytingar  farið að gæta verulega..

Veðurfar hefur breyst töluvert á sl. áratugum og ekkert  sem kallast getur vetur hér sunnanlands, samt eru á.a.g.25% farartækja á nagladekkjum hér í borginni og það eru margir bílar, því eins og við vitum eigum við Íslendingar marga,marga bíla. Það var því vel þegar tilkynning kom frá Reykjavíkurborg sem beindi þeim tilmælum til almennings að velja annan kost en nagladekk. Á þeim fáu mánuðum sem liðnir eru af þessum vetri hefur skapast í þó nokkur skipti þannig ástand í borginni að fólk sem viðkvæmt er í öndunarfærum er beðið að halda sig fjarri fjölförnum leiðum þar sem svifryk fer yfir hættumörk. Þarna spila nagladekk stórt hlutverk.

Það er af mörgu að taka þegar umhverfismál eru annarsvegar og ekki veitti af að setja í gang að nýju áróðursherferð eins og "Hreint land fagurt land" var á sinum tíma, því eins og ég sagði áðan er gott að taka til í eigin garði  og ekki verra að hafa hann hreinan þegar fjallað er og barist er um stærri mál á þeim vettvangi.

Við ættum að staldra við og velta fyrir okkur hvernig jörð við viljum skila til afkomenda okkar

 

Orka náttúrunnar.

 

 

 

Þá er hann desember komin með sína sérstöku birtu. Ég gat nú ekki á mér setið þar sem kominn var vísir af snjó, að leggja land undir fót. Leiðin lá til Krísuvíkur. Það var hreint undursamlegt að komast í þessa miklu kyrrð  sem ekkert rauf. Kleifarvatn var sem spegill og litla timburkirkjan í Krísuvík kúrði í frostinu. Hún hefur eitthvað undravert aðdráttarafl þessi kirkja. Þær eru ófár ferðirnar sem ég hef vitjað hennar, búin að koma þarna á öllum tímum árs Þetta er mikill sögustaður og gaman að ráfa þarna um og rifja upp söguna.

Þó kyrrðin og friðurinn væru alsráðandi þarna í gær var samt svo mikil orka í loftinu, ég fann hvernig ég drakk í mig þennan ósýnilega kraft sem er svo einstakur og sérlega gott að finna.   Ég tók fjöldann allan af myndum, læt nokkrar fylgja hér með, en fleiri eru í albúminu"ýmislegt"  fyrir þá sem vilja skoða meira.

 

 

 

 

 

Á leiðinni heim kom ég við á öðrum uppáhaldsstað sem ég vitja oft, það er gamla Þorkötlustaðahverfið. Það er frábær staður sem geymir mikla sögu og skartar enn rústum þeirra byggðar sem þar var. Þar á ég mér draumahús

 

 

það vantar að vísu á það þakið, þannig að einungis er um sumargistingu að ræða. Ég hefði SVO viljað sjá hvernig byggðin þarna leit út  þegar hún var í sem mestum blóma.

 

 

 Svona er útsýnið úr stofunni, glæsilegt ekki satt

 

 

 

Þetta var hreint út sagt yndislegur dagur. Það er ekki of sögum sagt að við eigum fallegt land, það er svo dásamegt hvað það breytist þegar snjór er yfir. Það fær þá yfir sig svo mikinn virðingarblæ.

Ég vona að sem flestir hafi notið þessa breytta veðurs hér á suð-vestur horninu og séu fullir orku eftir þessa helgi eins og ég

Bleikt og blátt :)

Kolbrún Halldórs er búin að velta af stað umræðu sem er skemmtileg. Það er varðandi þá stýringu sem við fullorðnir beitum  börn V/kyn, við s.s. byrjum snemma að stýra, strákar hér stelpur þar.

Þetta og hitt er annaðhvort svo stelpulegt eða strákalegt. Stelpur eiga að ganga í bleiku og bílar eru ekki dót fyrir þær. Drengirnir í blátt, takk fyrir og dúkkur geta brenglað hugsunargang þeirra

Ég veit þetta er afar öfgakennt  og eingöngu sett fram til að benda á þann fáránleika sem ýmsar gamlar hefðir hafa í för með sér því þetta er til enn í dag en vonandi hjá sem fæstum.

Það er vissulega fróðlegt að kíkja í eigin barm og velta fyrir sér hvernig málum er háttað þar. Hún benti m.a. á að strax á fæðingardeild eru börnin aðgreind með  bleiku og bláu, nú svo vitum við hver eftileikurinn er. Það er hreint með fádæmum hversu strangir foreldrar geta verið varðandi liti á fötum barna sinna og vissulega er þetta mótandi sem og margt annað sem við gerum, oftátíðum algerlega hugsunarlaust, þetta er bara hefð. Ég held þó að það sé mun strangari mótun sem strákar fá og fleiri litir útilokaðir sem þeir fá að klæðast.

Rauður var jú eitt sinn kóngalitur og litlir drengir þá klæddir bleiku  en stúlkur klæddar bláu sem þótti minna á mildan lit himinsins (ef ég man rétt :)) það er gaman að þessu.

Í dag er mikið talað um "kóngablátt" 

Ég þekki tvíbura sem voru alltaf í eins fötum þegar þeir voru litlir, já og sama lit líka. Svo var það um jól, þeir þá komnir nær fermingu að þeir fengu peysur, þær voru eins nema hvað sitthvor liturinn var á þeim. Þessar peysur fóru inn  í skáp því þeir gátu ekki hugsað sér að klæðast þeim, þeir voru orðnir svo fastir í þessu mynstri að klæðast sama  lit. Við verðum a passa okkur að stýra ekki of mikið

Kolbrún vitnaði líka í það þegar finnskir frændur okkar  fóru að klæða hvítvoðunga sína m.a. í brúna og dimmgula liti.( það verið í kring um 1970 ca) Þetta þótti  merkilegt, en þarna framkvæmdu þeir það sem örugglega margur hafði hugsað en ekki náð að brjótast út úr hefðinni.  

Það er vissulega þörf að velta svona upp, aldrei að vita nema það opni augu einhvers sem er bundin í klafa vanans og nær að  breyta til. Hver veit 

Persónulega þykja mér bleiku og bláu "ungbarnalitirnir" sem ég kalla  litlausir, hræðilega ljótir,