Bensín / Náttúran........eða bara.........hlutlaus :)

 Gott var að heyra þingmenn takast á um mismun lögreglu á mótmælum hér á landi :)  það var sannarleg þörf þar á, því ekki sitja allir við sama borð hvað það varðar, nei, ó nei. Bjössi Bjarna, blessaður karlinn, hann hefur ekki skilning á þessu frekar en búast mætti  við, Það er bara sorglegt að horfa upp á karlgreyið þegar svona mál koma upp, hann svarar eins og óupplýstur krakki. "Það er á valdi lögreglu" í það og það skiptið........já er það? Eru ekki einhverjar reglur sem þessar "lögreglur" eiga að fara eftir. Þetta eru MJÖG einkennileg skilaboð, ekki skilaboð sem ég kaupi.

Mér þótti samt gott að þetta skyldi vera tekið til umræðu í þinginu, þó ekki væri annað. 

Er það á valdi lögreglu að stoppa fólk og spyrja um skoðanir þeirra á virkjunum, eins og gert var fyrir austan við fólk á leið inn að Kárahnjúkum  2005, það efa ég. Hefur lögreglan leyfi að vísa fólki af tjaldsvæðum þó það hafi ekkert af sér gert, bara af því það hefur einhverjar "skoðanir" sem "þeir" aðhyllast ekki.  Ég segi "þeir" því það er ekki neinn lagabókstafur fyrir þannig gjörðum, en Bjössi Barna  hlýtur að hafa haldbæra skýringu þar á. Það fólk var ekki að stofna lífi einna né neinna í hættu, svo ekki var það þess vegna.

 Það hefur mikið verið klifað á því að mótmæli bílstjóra skapi hættu en, ennþá hafa þeir fengið nær óáreittir að halda sínum mótmælum áfram  enn og aftur. Hvar hefðu þeir sem berjast fyrir hreinu og óspilltu landi verið ef þeir hefðu haft sig svo mikið í fram. Ég held við þurfum ekki að bíða eftir svari, við vitum það af fenginni reynslu að þeir hefðu verið fjarlægðir, svo einfalt er það.

Það er von mín að bílstjórarnir okkar haldi sínu striki, þeir eiga minn stuðning. Ég ætla LÍKA að vona að næst þegar umhverfissinnar mótmæla að þeir fá sitt ráðrúm, það er kominn tími til. Nú höfum við fordæmi hvað lögreglu snertir hvernig tekið er á mótmælendum ..........hlakka til

Athugasemdir

[Ásta Steingerður Geirsdóttir, 11.4.2008 kl. 21:26]

Í rauninni er þetta ekki svo flókið ef maður hlustar á fréttir útvarpsins snemma morguns, þar sær maður alltaf fréttir af því hvar verið er að mótmæla. þau hafa allavega ekki orðið mér til baga þessi mótmæli bílstjóranna þó þau hafi verið á minni leið, ég hef einfaldlega lagt fyrr af stað og þannig komist hjá því að sitja í teppu þeirra vegna. Ég hef hins vegar margoft setið í langri teppu á ósköp venjulegum morgni, teppu sem skapast hefur af öðrum orsökum en mótmælum. Það sem ég er að reyna að segja með þessum skrifum mínum er að ALLIR eiga að sitja við sama borð þegar um mótmæli er að ræða, það er nú bara þannig :) hvert svo sem málefnið er. Lögreglan á ekki að vinsa úr eftir sinni hentisemi og skoðunum.  En takk fyrir að líta svona oft inn til mín og senda línu :) Láttu þér líða vel þessa  helgina sem og aðra daga. kveðja  Ásta