Silfraður Egill á ekki upp á pallborð kvenna........eða hvað?

Ég heyri ávæning af því í morgunútvarpinu að Silfur Egils væri  karlrembuþáttur og einhver hópur kvenna hefði neitað að koma í þáttinn á þeim forsendum. Það er eflaust rétt að karlar eru í meirihluta þeirra sem fá boð í þann þátt. Það kom einnig fram að einkennandi væri fyrir  þáttinn að fólk fengi ekki að ljúka máli sínu og það væri gjarnan talað ofan í það. Þetta er kórrétt, en því miður er þetta ekki einsdæmi því við erum með nokkra fréttamenn sem gjamma stanslaust fram í fyrir fólki og gefur því ekkert svigrúm að ljúka sínu máli, Þar má nefna Sigmar og Helga Seljan hjá ríkissjónvarpinu.

Þess háttar vinnubrögð eru ekki til sóma og niðurlæging fyrir þann sem í hlut á . Stjórnandi er ekki lengur stjórnandi því hann er svo heitur í umræðunni að hann hemur sig ekki.....sussu bía Það sem gerist er einfaldlega það að maður hættir að hlusta á viðræðuþætti þar sem þessir  stjórnendur eru og er það miður því alltaf er gaman að hlusta á skoðanaskipti en,fólk verður að fá að ljúka máli sínu, það er lágmarkskrafa.

Í þættinum "Laugardagslögin" fór nú Ragnhildur líka ögn yfir strikið  hvað varðar "gamla strákinn"

Hann fékk enganvegin að njóta sín gamli maðurinn, tímaleysið var svo mikið að hún var alltaf að stoppa hann af. Ekki smekklegt, fannst mér. Það sem mér þótti nú eiginlega verra var það að fá þá á skjáinn þar á eftir þá Jón Gnarr og Sigurjón. Þeir fengu vissulega sinn tíma og hafa eflaust þótt hafa merkilegri boðskap að flytja landsmönnum en 100 ára karl. Huh.

Ég verð  nú að segja fyrir mína parta, þá hefði ég viljað leyfa þeim gamla að syngja meira, hann var ern og skemmtilegur og átti meiri virðingu skilið. það er sjálfsagt ekki svo oft sem hann fær svo mikla athygli. Þetta var vægast sagt pínlegt. Mér leið illa þessar fáu mínútur þegar hún var að losa sig við hann því annað er ekki hægt að kalla það.

Það væri kannski ekki svo galið að vera með vikulegan þátt í sjónvarpinu þar sem  eldri borgarar fá að vera í sviðsljósinu. Þetta er líka miðill fyrir þá og eldri borgurum fer alltaf fjölgandi svo það má alveg taka meira tillit til þeirra hvað dagskrárgerð varðar. 

 

Athugasemdir

[Sigríður Svavarsdóttir 29.11.2007 kl. 23:04]

Sæl. 

Ég er fegin að það eru fleiri að setja út á stjórnun Ragnheiðar í þættinum á laugardagskvöldum. Ég er sjálf búin að minnast á það tvisvarsinnum í smá pislum mínum.  Ég tala nú ekki um þá Sigurjón og Jón úff, þeir meiga sko missa sig.

Þú skrifar góða pisla  haltu því áfram.